香港新浪網 MySinaBlog
« 上一篇 | 下一篇 »
black lab | 14th Oct 2007 | 07生日特輯 | (1309 Reads)
完結篇

做《香港十景》呢個特輯,係因為六月頭有一次我大掃除,發掘咗好多好耐冇拎出嚟睇嘅相,好想貼嚟同大家一齊重溫,當中有好多都係喺香港不同地方影嘅,靈機一觸,不如趁住生日做一個以香港景色為主題嘅特輯啦!

既然係以個人回顧做出發點,就不大考慮地點嘅普及性,尤其是,最後呢一個景,完全係主觀嘅個人喜好。

有一個地方,對我嚟講好有意義,冇佢、冇今日嘅我!除咗寒舍之外,我呢世仔,留得最耐就係呢度......

咪就係我以前教書嘅嗰間學校 ── CMSNP囉!

話說 CMSNP 嘅正門係喺條大斜路嘅15號,但其實未到15號之前亦都有另一個入口,經過禮堂 (教會嘅產業),穿過「後門」,行幾層樓梯,就可以到達學校嘅操場。

呢條大斜路,行到我索晒氣,頭一兩個月都有諗過放棄 (當然唔係因為條斜路啦!咪傻!),但係結果,一行就行咗十年喇!

就由「山腳」開始講起。去片!


教堂


●呢度俗稱「教堂黑閘」,家長接放學嘅學生會喺呢度等,幼童軍冇地方集會嗰陣,就要被迫用呢個豆潤之地。


●禮堂的一角。(左圖) 教會學校嘛,宗教節日梗係會佈置吓啦! (右圖) 仲有時用嚟童軍集會添!


●禮堂梗係多用途啦!其中一個用途就係舉行比賽,圖為「2001-2002年度數學 (校內) 比賽」,由小弟做主持,哩!企起身講嘢嗰個咪我囉!


●呢個係00年校內音樂會,小弟做MC,旁邊係我嘅「最佳司儀拍檔」Ayesha小姐。我嘅手勢似唔似天濛光先生呢?哈哈!


●搵唔搵到我呀?白恤衫(......因你變耀眼) + 藍tie嗰個呀!每一年呢個場合都會farewell一啲離職同事,呢張係2003年嘅結業禮,兩年之後......


●兩年之後咪輪到farewell我囉!



●禮堂亦都係影教職員相/畢業生合照嘅指定地點,又搵吓我喺邊啦。(右圖為答案)


●好彩架呢,幼童軍都可以book到禮堂三樓嘅小小房間集會嘅~~。右圖係裝修完嘅樣貌。


操場 (basement)


●「今日亞sir請食lunch......」。學生考試考得好,做亞sir嘅,梗要少少表示啦!以前我唔會架,但呢次......都臨別秋波咯,冇所謂啦!總之大家happy啦!


●06年8月尾,farewell羊咩咩小姐,男男女女入晒操場嘅男廁影相 (中圖),好搞鬼!


●02年農曆新年家教會嘉年華會,又係小弟做MC。因為操場係平地,觀眾又企喺四方八面,所以要取得觀眾嘅注意力都有少少難度。


●05年幼童軍團成立典禮,都仲係小弟做MC。同事話我係「CMSNP金牌司儀」,好話好話,大家俾面啫。


●似唔似球隊教練呢?扮嘢架咋,嘻嘻!


●40週年校慶,話要影一輯特別啲嘅班相做校刊喎......


一樓


●04年9月19日,放學後,mood到,影咗呢張相。雖然係啱啱開學冇幾耐,不過嗰陣已經決定做埋嗰年唔做架喇。



●一樓係6A、6B & 3D課室所在,亦有校長室同埋音樂室,正門都喺呢層。



●呢個「天井位」係所謂「小操場」,平時要嚟等保母車、練朗誦etc。你見到嘅靚靚壁畫,因為天雨嘅破壞已經唔存在喇!而家係用磁磚砌嘅中國地圖。
(按:左上圖企最左嘅係雞翼,最右嘅,咪就係上一集企我左邊、原本矮我一個頭嘅魏泰囉,唉......)


●過咗天井位就係總務室,好多工作紙、試卷都係呢度誕生架!


正門


●JARP一走埋一齊,就會影好多騎呢相......

●閉路電視中的我


●出道第一年,呢張都應該係第一批影嘅做嘢相喇。你睇我個樣幾咁「菜鳥」......


二樓



●二樓係下午校教員室所在,歷年以嚟影咗唔少相架!


●教師年年調位,呢個係我最後一年坐嘅位。你睇!張枱喺執包袱前後有幾大分別!行李、雜物可以帶走,但係回憶就......


●除咗201 (教員室) 之外,202係另一個有特別意義嘅地方,因為,JARP就係喺呢度相遇架喇!
(亦都係我哋後來切生日蛋糕嘅指定地點,更加係「靚圈」一詞嘅原產地!)


●突如其來嘅大驟雨,搞到我成身濕晒,將套返工衫掛咗喺總務室,用強勁冷氣吹乾,期間唯有着住呢套球隊衫先囉。


●睇吓我各個時期喺202嘅不同造型!我成日霸咗AR個位嚟食飯、改簿,而家各散東西,雖然成日見面,不過冇得霸佢哋啲位咯......


●202最初其實只係6C課室,大約2000年變成教師休息室,最後變成TA & 其他「冇位坐」老師嘅收容所。咁你又知唔知休息室時期嘅202最初只係咁樣呢?真係有梳化同電視機架!




●另一個由普通課室改建嘅就係學生活動室喇 (205、206)!但凡有combine classes, seminar, 招待外賓或者教師發展日等等嘅大型活動,都會喺呢度進行。


三樓


●層層課室都影我上堂好鬼悶啦!不如貼吓其他活動嘅相相?


●來自 Farewell Pierre & Agnes 嗰輯相 (其實我比佢兩個都早離職)


●三樓上午校教員室嘅資源房!相信都冇乜幾多個教員可以好似我咁,可以坐勻上、下午校兩間教員室。


四樓


●示範教學呀!嗰次有位來自廣州嘅盧教授睇我上中文作文堂。


●四樓有電腦室......呢個電腦室,好難想像最初只係雜物房一個。
(鳴謝Victor特別客串)


五樓

五樓係5A-D班嘅課室,另一個音樂室都喺五樓。由於我早年教音樂,又先後教過5A, 5B & 5C,所以我要成日嚟五樓,冇lift,一條氣行上嚟都有少少腳軟兼喘氣架!


●搵勻所有圖片庫,只有呢張係喺五樓影,雖然冇明顯證據。

咁就行晒五層樓喇!其實五樓仲有宣教師宿舍,不過......斷估你都唔會認為我有相啩?


Special thanks to 所有舊同事與及同學仔嘅友情客串,特別係 Agnes, Roger & Pierre。


At last but not the least......

●「巍峨瑰麗,黌舍聳立,是我XX雄姿」......係校歌前三句,校舍係咪「巍峨」?見仁見智啦!不過嗰陣上音樂堂,教小一學生唱校歌,真係教到一殼眼淚架!點解?你識唔識讀晒呢三句歌詞先?
(黌:音「紅」,黌舍=校舍)


前往方法
地鐵鰂魚涌 (C出口)、巴士18/112號 (百福道總站下車)、專線小巴108 (百福道總站下車)、電車 (英皇道@健康東街下車)



《香港十景》後記
擾攘多年,CMSNP終於申請到校舍,可以喺2010年轉為全日制小學,15號原址將會留俾上午校用,下午校就用同一條街4號嘅新校舍。希望喺未來日子,CMSNP會成為一間更成功嘅學校。

走筆至此,終於完成《'07生日特輯》呢個大大project,估唔到要歷時四個月,中間仲經過兩次旅行,哈哈哈!不過,總算有始有終吖,對自己都有所交代。唔......'08生日又做咩特輯好呢......

[1] 嘔...

..心瀝血之作
真係感人肺苦
功德完滿
黃Sir好野


[引用] | 作者 Alex | 14th Oct 2007 | [舉報垃圾留言]

[2] Re: 嘔...
Alex :
..心瀝血之作真係感人肺苦功德完滿黃Sir好野

係~ 多謝晒!
不過係感人肺「腑」喎!


[引用] | 作者 black lab | 14th Oct 2007 | [舉報垃圾留言]

[3]

十年呀,點解阿sir你個樣年年唔同,變化咁大架?

你睇,整到樓上嘔啦...


[引用] | 作者 Mr RiceBall | 14th Oct 2007 | [舉報垃圾留言]

[4] Re: Re: 嘔...
black lab :
Alex :
..心瀝血之作真係感人肺苦功德完滿黃Sir好野
係~ 多謝晒!
不過係感人肺「腑」喎!

你咁辛"苦"先嘔埋呢篇出黎,仲唔苦咩 :D


[引用] | 作者 Alex | 14th Oct 2007 | [舉報垃圾留言]

[5]

好詳盡呀﹗^^


[引用] | 作者 羊咩咩 | 14th Oct 2007 | [舉報垃圾留言]

[6] Re:
Mr RiceBall :
十年呀,點解阿sir你個樣年年唔同,變化咁大架?
你睇,整到樓上嘔啦...

人人都話我細個同而家個樣好唔同架,
所以我先至會做呢個《香港十景》特輯,
同大家分享吓我歷年來外表方面嘅轉變嘛。


[引用] | 作者 black lab | 15th Oct 2007 | [舉報垃圾留言]

[7] Re: Re: Re: 嘔...
Alex :
你咁辛"苦"先嘔埋呢篇出黎,仲唔苦咩 :D

都最後一集咯,
係苦盡甘來就真!


[引用] | 作者 black lab | 15th Oct 2007 | [舉報垃圾留言]

[8] Re:
羊咩咩 :
好詳盡呀﹗^^

完結篇嘛!盡量做得好啲囉。


[引用] | 作者 black lab | 15th Oct 2007 | [舉報垃圾留言]

[9]

你打響校名d格仔似乎打左等於冇打……

之前果幾篇香港十景變晒叉燒包啊

HS
[引用] | 作者 HS | 8th Jun 2011 | [舉報垃圾留言]

[10] Re: HS
HS :
你打響校名d格仔似乎打左等於冇打……
之前果幾篇香港十景變晒叉燒包啊

唔緊要,嗰間學校而家已經唔存在。
變叉包......請你再睇一次,你而家係under邊個カテゴリー見到呢篇文?
就係因為變叉包,所以我先至要重新上載之嘛。但係,因為要搵番d相→重新upload→再貼出嚟,相當大工程,亦有d相係我冇帶嚟日本,所以一下子做唔晒。

black lab
[引用] | 作者 black lab | 8th Jun 2011 | [舉報垃圾留言]

[11] Re: black lab
black lab :


唔緊要,嗰間學校而家已經唔存在。
變叉包......請你再睇一次,你而家係under邊個カテゴリー見到呢篇文?
就係因為變叉包,所以我先至要重新上載之嘛。但係,因為要搵番d相→重新upload→再貼出嚟,相當大工程,亦有d相係我冇帶嚟日本,所以一下...



哦,原來如此……哥哥唔好鬧我……

HS
[引用] | 作者 HS | 8th Jun 2011 | [舉報垃圾留言]

[12]

嘩,果然係大工程!!
P.s. 我覺得你十幾年都無變過,果然係駐顏有術呀下!

秋。
[引用] | 作者 秋。 | 9th Jun 2011 | [舉報垃圾留言]

[13] Re: 秋。
秋。 :
嘩,果然係大工程!!
P.s. 我覺得你十幾年都無變過,果然係駐顏有術呀下!

雖然我なんとなく明白你意思,但係你嘅留言竟然又同樓上[3]嘅意見啱啱相反喎,哈!
駐顏嘅術就係唔好駐顏,乜都唔搽,最緊要係飲食均衡、足夠運動、早睡早起、心境開朗。

black lab
[引用] | 作者 black lab | 9th Jun 2011 | [舉報垃圾留言]