香港新浪網 MySinaBlog
« 上一篇 | 下一篇 »
black lab | 1st May 2011 | 向世界出發, 2011 年度特輯 | (205 Reads)
真正的向世界出發 MAY - 菲律賓,1996

上次提過本人跟旅行團次數屈指可數,而菲律賓就是其中一次。

已經忘記了是怎樣發起這一次菲律賓之旅。但以目的地和性質來說,我想,我不會是發起者。4人同行,而且是跟團,在我的旅行歷史中可說是稀奇的一次。

當年是「新米教師」,入行半年,算是儲到一點錢,趁農曆年假期和幾個相熟同事去一趟短線旅行。同行的有細華、Becky,還有 Becky 「當時」的男朋友 Alfred。


:: 當時身上的 Simpson T恤 (見右圖) 如今失蹤了,成了本人僅有數件遺失物品之一。

雖然菲律賓屬熱帶國家,但那一年的農曆新年香港的天氣頗冷,所以逼不得已都要穿厚外衣出發。我記得導遊和領導都是口不擇言之徒,在旅遊巴上的插科打諢,像我這樣一向言論大膽的男性聽來都覺害臊,斯斯文文乖乖女的細華坐在我旁邊默默無語,但我又不知可以做些什麼去令場面不那麼尷尬......

具體行程包括什麼旅遊勝地,如今已不記得清楚了;儲在 netbook 內的 softcopy 相片只得很少。我只記得去過一個廣場 (不知是不是港團出事的同一個)、一個山頂、一個軍人紀念墳場,還去過百勝灘、碧瑤、Enchanted Kingdom (主題公園) 等等。


:: 圖有有麥當當,印象中我們是有入內光顧的,因為我記得我吃了茄汁意粉。想不到漢堡包店居然兼賣意粉!其實,世界各地的麥當當都有其專賣的特色食品,還記得在第一集我提過夏威夷麥當當有新鮮菠蘿嗎?


:: Enchanted Kingdom 其實是一個小型的環球片場。

在 Enchanted Kingdom 裏面玩過什麼機動遊戲,當然已經給遺忘了。只記得臨離去時,Becky 在出口附近的行人路邊,用玩遊戲換來的猩猩毛公仔跟 Alfred 玩打架,Alfred 退後閃避,砰的一聲,背脊就撞在剛駛經的小貨 van!幸好那貨 van 當時開得不快,而 Alfred 又只撞到車門,要是撞車頭,可能已經「魂斷」了。(Alfred 的本名跟「魂斷」一詞讀音相似)

其實 Alfred 對 Becky 已算十分不錯了,因為適逢旅行期間是 Becky 的生日,Alfred 帶了一件頗 bulky 的禮物去送給她,還叫我們幫手守秘。只是後來......hey hey!人家的兒女私情我可不管啦!


:: 行程中有一晚入住碧瑤的酒店。該酒店依山而建,又連私人海灘一個,環境很不錯。可惜行程沒有安排游水時間,我們只能在海灘一坐,蛋家雞見水呀!


:: 這間酒店又有小型泳池乙個。沒有時間游水,但既然帶了泳褲泳鏡,浸一浸也是好的。當時剛剛開始做 gym 才一個月,所以仍是洗衫板身型。

當年我喜歡帶上一次旅行時所買的T恤出發,上面有1992年在澳洲 Fremantle 買的灰色Tee,這一組又有1995年在加拿大 Vancouver 買的 Hard Rock Tee。

其實我還去過百勝灘,只不過 netbook 內一張相百勝灘的相片也沒有,希望下次回港時可以找到吧。百勝灘不是一個灘,而是一條河 (是不是也包括一個灘我可不得而知),我們在那裏坐獨木舟穿過激流,是行程中最刺激的玩意。


:: 這個 coins bag 是手信之一,到現在還用著!這系列有很多產品,我也另外買了同一布料做的筆袋。

去完這一次旅行,已經覺得菲律賓玩一次便夠。現在發生事故,更感到可能永遠都不會再踏足這國家。



過去集數:
1月號 - 夏威夷
2月號 - 台灣(1)
3月號 - 台灣(2)
4月號 - 澳洲

[1]

香港的麥當當有乜野專賣嘅特色食品?真係唔太覺喎。
有冇去Jollibee?

金田一
[引用] | 作者 金田一 | 1st May 2011 | [舉報垃圾留言]

[2]

都幾十,呵呵

or
[引用] | 作者 or | 1st May 2011 | [舉報垃圾留言]

[3]

一個幾特別既旅行組合。

原來你個coins bag係菲律賓買,你講既筆袋我諗我知邊個。

羊咩咩
[引用] | 作者 羊咩咩 | 2nd May 2011 | [舉報垃圾留言]

[4]

我上次都有去碧瑤!其實我好喜歡呢個地方,老咗有機會要去外國生活,碧瑤暫時係首選喇!

Karvitz
[引用] | 作者 Karvitz | 3rd May 2011 | [舉報垃圾留言]

[5] Re: 金田一
金田一 :
香港的麥當當有乜野專賣嘅特色食品?真係唔太覺喎。
有冇去Jollibee?

唔覺?咁即係冇囉。
我跟團架,唔係太多自由周圍食嘢嘅時間。

black lab
[引用] | 作者 black lab | 6th May 2011 | [舉報垃圾留言]

[6] Re: or
or :
都幾十,呵呵

唔止10,仲15添!
因為係15年前嘅事。

再者,我從來冇講過我好型吖!

black lab
[引用] | 作者 black lab | 6th May 2011 | [舉報垃圾留言]

[7] Re: 羊咩咩
羊咩咩 :
一個幾特別既旅行組合。
原來你個coins bag係菲律賓買,你講既筆袋我諗我知邊個。

嗰陣時我哋3個成日去玩架!後來就變咗JARP囉。
你話知係邊個嘅筆袋,我以前都會帶去旅行,所以你應該都有見過。

black lab
[引用] | 作者 black lab | 6th May 2011 | [舉報垃圾留言]

[8] Re: Karvitz
Karvitz :
我上次都有去碧瑤!其實我好喜歡呢個地方,老咗有機會要去外國生活,碧瑤暫時係首選喇!

就我所見,碧瑤都幾靚。不過可惜當時冇機會行出酒店四圍睇吓。
發生咗菲律賓事件,你嘅暫時首選要唔要轉吓?

black lab
[引用] | 作者 black lab | 6th May 2011 | [舉報垃圾留言]

[9] Re: black lab
black lab :
Karvitz :我上次都有去碧瑤!其實我好喜歡呢個地方,老咗有機會要去外國生活,碧瑤暫時係首選喇!就我所見,碧瑤都幾靚。不過可惜當時冇機會行出酒店四圍睇吓。發生咗菲律賓事件,你嘅暫時首選要唔要轉吓?

其實我係響菲律賓事件之後先至去碧瑤,我覺得空氣又好,環境又唔錯,所以先有呢個念頭改退休地喇!

哈!我諗我其實真係唔識死的。

Karvitz
[引用] | 作者 Karvitz | 7th May 2011 | [舉報垃圾留言]

[10]

我沒去過菲律賓,但以接觸過的菲律賓人而言,他們都很友善,香港旅館團的慘劇好像令全港人都痛恨菲律賓或不再去旅遊,實在可惜。

你還記得旅遊時當地人的服務如何?是否有點懶散?

Mr RiceBall
[引用] | 作者 Mr RiceBall | 7th May 2011 | [舉報垃圾留言]

[11] Re: Karvitz
Karvitz :
其實我係響菲律賓事件之後先至去碧瑤,我覺得空氣又好,環境又唔錯,所以先有呢個念頭改退休地喇!

哈!我諗我其實真係唔識死的。


旅行其實同定居係唔同嘅,例如,旅行時可以瘋狂買好多嘢,定居嘅時候就要調整吓呢個心態喇。此外,旅行期間嘅生活習慣都會同定居唔同。

black lab
[引用] | 作者 black lab | 8th May 2011 | [舉報垃圾留言]

[12] Re: Mr RiceBall
Mr RiceBall :
我沒去過菲律賓,但以接觸過的菲律賓人而言,他們都很友善,香港旅館團的慘劇好像令全港人都痛恨菲律賓或不再去旅遊,實在可惜。
你還記得旅遊時當地人的服務如何?是否有點懶散?

唔記得咯!跟團去旅行雖然方便,但就有個弊端,就係接觸當地人機會好少,睇唔到D乜嘢風土人情。

black lab
[引用] | 作者 black lab | 8th May 2011 | [舉報垃圾留言]