香港新浪網 MySinaBlog
« 上一篇 | 下一篇 »
black lab | 10th Jul 2010 | 向世界出發, 2010 年度特輯 | (284 Reads)
京都 (1 of 4)

較早時候有朋友去完京都回來,大呼「京都好悶呀」!


唔係嘛!? 我覺得全日本最吸引的地方,他居然認為是最悶的地方。當時我沒有機會跟他詳談,未能了解他的行程安排。不過我相信,他一定是盡信了旅遊書或別人的推介,參觀了大量的寺廟吧。

當年Mavis的一句「京都最著名的是寺廟」,至今依然印象深刻。而當年初次踏足京都,也不免隨波逐流參觀了清水寺。的確,京都有很多寺廟,數目之多罄竹難書,然而,隨著時間過去,漸漸我也發掘了許多寺廟以外的京都好玩意。

還有,遊京都要懂得選擇適當的季節。我試過三月底去賞櫻,也試過十一月底去賞楓,即使是只得綠葉的夏季,也有納涼床和川床可堪玩味。好!京都回憶追溯之旅,就由京都駅開始!

從京都駅乘巴士或JR在來線 (local train),來到了二条城。三月底的京都,雖云仲春但寒風依然蝕骨,任憑當日的陽光有多猛也無濟於事。二条城景色雖美但無奈人耐不了寒風,兼且二条城內櫻花芳蹤杳然 (未開?謝了?),唯有急急躲進有暖氣的食堂/友誼商店取暖。二条城入場料:¥600。何以記得那麼清楚?因為這數字與某一身體狀態有關。




二条之後本應輪到四条。但位於四条的鴨川實在太精彩,我決定另開一集專講四条和鴨川!

稍稍回到京都駅,乘巴士再往哲學之道出發。我記得那一次乘「洛巴士」去到哲學之道,在起點沿著那條小河走,到盡頭居然來到了銀閣寺的入口!可惜,銀閣寺只「營業」至17:00,錯過了。

當年哲學之道只有一株櫻花樹開了花。不過,那優美的河畔小徑,與及那天和煦的陽光,也在我的回憶中佔上很大的篇幅。

在回憶中還有那杯苦澀難喝得要死的甘酒!本為了喝點熱飲來取暖,還想慕名嚐一下。也不知是那一杯特別難喝,抑或是個人口味的問題,總之,現在單單看到「甘酒」兩個字也要掉頭走。




以上事件發生於2006年。

時間一飛便飛到了2007年。那一年終於把「日本三景」的最後一景都攻陷了。

有人去完松島海岸和嚴島神社這兩景後,一再的猶豫到底天橋立是否值得去,於是一直拖呀拖,最後我決定自己去!沒錯,從京都駅出發沒有特急車,單程也需2個多小時,的確是遠了一點,然而,渴望去的地方,就是再隔涉也總會想達成心願的,對否?大概這就是每個人對「值得」二字的不同詮釋吧。

在我來說,能把未看過的最後一景都看了,能踏足香港旅遊書絕少介紹的天橋立,已是絕對值得。再者,實地觀看過之後,我對當日下了這個決定更感自豪。




這一篇叙述的地方都是曾經在這個blog出現過的。
二条城 / 哲学の道
天橋立

暫時「係咁意」寫3個我認為並不是京都好玩意之最的地方,下一集再寫一點更有趣的。

[1]

京都很悶?簡直是暴殄天物,焚琴煮鶴,對牛彈琴...

京都是日本最美,文化保存得最好的地方,一走出京都站,就嗅到空氣中濃烈的文化氣息。雖然遊人很多,但置身京都要看的東西太多,也沒空顧及有多少遊人在身邊!

假若可以去京都十數天,慢慢走遍每個街角,如願足矣。

Mr RiceBall
[引用] | 作者 Mr RiceBall | 14th Jul 2010 | [舉報垃圾留言]

[2]

你去哲學之道時,啲櫻花又真係好少喎﹗櫻花滿開既哲學之道,真係好靚﹗有幸今年可以睇到,不過賞楓,睇怕暫時未有咁既福氣可以睇到喇﹗

下集係唔係"講"嵐山渡月橋,同埋嵯峨野小火車呢﹖

羊咩咩
[引用] | 作者 羊咩咩 | 14th Jul 2010 | [舉報垃圾留言]

[3]

京都,都係我玩得唔開心嘅地方喎

or
[引用] | 作者 or | 14th Jul 2010 | [舉報垃圾留言]

[4]

我喜歡銀閣寺啊!
其實天橋立有什麼特別嗎?雖然沒有去過,但看倒轉拍的相片又聯想不到所謂的特別景觀。可能我太欠想像力?還是要親身看才感受到呢?

金田一
[引用] | 作者 金田一 | 14th Jul 2010 | [舉報垃圾留言]

[5]

我愛京都多過東京... 人同物件都係...

天橋立...好想去...唯上次行程路綫吾啱...

金閣寺...銀閣寺...南禪寺...八板神社...清水寺...好欣賞...

仲有好多廟都想去睇...

只恨...每次留日時間太少...

阿跌
[引用] | 作者 阿跌 | 16th Jul 2010 | [舉報垃圾留言]

[6] Re: Mr RiceBall
Mr RiceBall :
京都很悶?簡直是暴殄天物,焚琴煮鶴,對牛彈琴...
京都是日本最美,文化保存得最好的地方,一走出京都站,就嗅到空氣中濃烈的文化氣息。雖然遊人很多,但置身京都要看的東西太多,也沒空顧及有多少遊人在身邊!
假若可以去京都十數天,慢慢走遍每個街角,如願足矣。

最近接二連三得悉有人喺京都玩得唔開心,點解呢?真係好想知!
一個咁有古典味,咁有文化氣息嘅地方,點解會覺得悶架?就算係自已鬧情緒、或者同partner之間鬧意見,見到咁靚嘅風景呀,都會即刻開心晒啦!

black lab
[引用] | 作者 black lab | 25th Jul 2010 | [舉報垃圾留言]

[7] Re: or
or :
京都,都係我玩得唔開心嘅地方喎

點解玩得唔開心呀?
(俾個題材你寫吓blog)

black lab
[引用] | 作者 black lab | 25th Jul 2010 | [舉報垃圾留言]

[8] Re: 金田一
金田一 :
我喜歡銀閣寺啊!
其實天橋立有什麼特別嗎?雖然沒有去過,但看倒轉拍的相片又聯想不到所謂的特別景觀。可能我太欠想像力?還是要親身看才感受到呢?

我唔鍾意金閣銀閣 (雖然我未去過),太出名太大路太金碧輝煌喇。
天橋立冇咩特別架咋,只不過係海上嘅一條橋,倒轉嚟睇就變咗架空喺天上嘅橋...咁咋。或者真係要現場彎腰/倒立咁樣睇先至有趣啦。

black lab
[引用] | 作者 black lab | 25th Jul 2010 | [舉報垃圾留言]

[9] Re: 阿跌
阿跌 :
我愛京都多過東京... 人同物件都係...
天橋立...好想去...唯上次行程路綫吾啱...
金閣寺...銀閣寺...南禪寺...八板神社...清水寺...好欣賞...
仲有好多廟都想去睇...
只恨...每次留日時間太少...

終於發現多一日個鍾意京都。Yeah! Gimme 5!
係啦!京都其實真係有趣過東京,咁可能因為我唔鍾意港式shopping啦,我諗好多人鍾意東京都係貪佢多嘢賣。
要睇靚風景,要感受日本嘅傳統文化氣息,去京都就一舉兩得。

black lab
[引用] | 作者 black lab | 25th Jul 2010 | [舉報垃圾留言]

[10] Re: 羊咩咩
羊咩咩 :
你去哲學之道時,啲櫻花又真係好少喎﹗櫻花滿開既哲學之道,真係好靚﹗有幸今年可以睇到,不過賞楓,睇怕暫時未有咁既福氣可以睇到喇﹗
下集係唔係"講"嵐山渡月橋,同埋嵯峨野小火車呢﹖

就算你有福氣都要等11月有紅葉先至有得睇...
咁鬼醒,俾你估中晒,下一集真係講嵐山渡月橋同埋嵯峨野小火車喎!咁又估唔估到再下一集講乜呢?哈哈。

black lab
[引用] | 作者 black lab | 25th Jul 2010 | [舉報垃圾留言]

[11] Re: black lab
black lab :
羊咩咩 :你去哲學之道時,啲櫻花又真係好少喎﹗櫻花滿開既哲學之道,真係好靚﹗有幸今年可以睇到,不過賞楓,睇怕暫時未有咁既福氣可以睇到喇﹗下集係唔係"講"嵐山渡月橋,同埋嵯峨野小火車呢﹖就算你有福氣都要等11月有紅葉先至有得睇...咁鬼醒,俾你估中晒,下一集真係講嵐山渡月橋同埋嵯峨野小火車喎!咁又估唔估到再下一集講乜呢?哈哈。

本身11月都唔係問題既,只不過而家冇可能11月可以去到lu﹗

暫時未估到下下集講乜,仲有關西篇6架﹖俾啲tips先啦﹗

羊咩咩
[引用] | 作者 羊咩咩 | 28th Jul 2010 | [舉報垃圾留言]

[12] Re: 羊咩咩
羊咩咩 :
本身11月都唔係問題既,只不過而家冇可能11月可以去到lu﹗
暫時未估到下下集講乜,仲有關西篇6架﹖俾啲tips先啦﹗

咁都要返工先儲到旅費架嘛。
仲有京都3 of 4同埋4 of 4,即係關西篇6同埋7。Tips就係...京都最出名係咩?

black lab
[引用] | 作者 black lab | 29th Jul 2010 | [舉報垃圾留言]

[13] Re: black lab
black lab :
羊咩咩 :本身11月都唔係問題既,只不過而家冇可能11月可以去到lu﹗暫時未估到下下集講乜,仲有關西篇6架﹖俾啲tips先啦﹗咁都要返工先儲到旅費架嘛。仲有京都3 of 4同埋4 of 4,即係關西篇6同埋7。Tips就係...京都最出名係咩?

如果儲到旅費,而家11月都去唔到啦﹗要變返貴價去旅行喇﹗
京都最出名清水寺囉﹗

羊咩咩
[引用] | 作者 羊咩咩 | 29th Jul 2010 | [舉報垃圾留言]

[14] Re: 羊咩咩
羊咩咩 :
如果儲到旅費,而家11月都去唔到啦﹗要變返貴價去旅行喇﹗
京都最出名清水寺囉﹗

咁當然針無兩頭利啦!

答啱一部份啦。京都唔止清水寺出名,好多寺都好出名。但其實仲有好多嘢都出名架,而家睇完我4集京都遊,應該都略知一二啩?

black lab
[引用] | 作者 black lab | 8th Aug 2010 | [舉報垃圾留言]