香港新浪網 MySinaBlog
« 上一篇 | 下一篇 »
black lab | 3rd Jul 2010 | 向世界出發, 2010 年度特輯 | (329 Reads)
第一次聽到「神戶」這個詞彙,是來自我的其中一個日本語先生──喲!那是二十世紀的事了 (199X年)。有一次在佐敦地車站遇見前幾期的日本語先生,跟她聊起近況,她說將會去神戶五天。當時我對這個地方一無所知 (其實係知嘅!不過只限於牛柳),先生還說「東京から遠い」......唔!這個地方有什麼吸引力,足以spend 5日呢......?

直到我親自踏足這片地方,才發覺她真有其魅力。與其他對外開放的日本港口 (e.g. 函館、橫浜) 一樣,神戶有著其洋化的一面,也有一條幾乎是「定番」的中華街。流連得最多的是神戶港,那裏的亞美利堅公園有一個紀念阪神大地震的corner,暗自藏在公園的一角,毫不起眼的,若非刻意在公園找尋的話恐怕不會找到。就似藏在衣服下面的傷痕那樣。

地震確是日本一直以來的傷痕。看見東歪西倒的燈柱,陷在淺灘的碼頭石躉和欄柵,大概可以想像得到當時的慘況。


(気分転換)
神戶港有一座MOSAIC商場,是我最喜愛的神戶遊樂地。以前,MOSAIC商場有一間望海的西餐廳 (下圖橙紅色窗框那兩張相所示),價錢不怎麼貴,但景觀無與倫比!即使是夏天,坐在露天座位,遠望神戶塔,海風徐徐吹來,也是蠻寫意的。我自己去過兩三次,有一回也想帶羊和豬去光顧,可惜當晚神戶港有花火大会,MOSAIC商場的所有露天餐廳都變成予約制,兼且整個商場都變得有如花市那樣擠迫,我們不但不能光顧那餐廳,更因為我想找某間T恤店而要羊豬二人陪我走了商場多遍,真不好意思。


諷刺的是,翌日 (羊豬走了) 我乘船經過神戶港,看見MOSAIC商場水盡鵝飛......

更無奈的是,往後那T恤店和那餐廳都先後結業了,全變成回憶了。

還好,MOSAIC商場連接Harbourland通道的那條古怪「二折escalator」仍然健在。(見下圖有綠色扶手的圖)



那一次,結果我們改為去了另一間普通的日本料理用餐。而說到食,神戶牛絕對值得一試。想省錢的話,可以試試MOSAIC商場的「神戶プラント亭」,150gm的神戶牛定食大約¥5000 (2005年的價錢,不過相信現在仍然一樣)。你看下圖右下角的牛柳,是不是美味しそう呢?(希望本人的食相沒有令閣下倒胃吧)

若然想高級一點,又可以試試鐵板燒。想來,那一次應該是我首次在日本品嚐正宗的鐵板燒哩!看著牛柳在面前由生變熟,連隨再放入口裏,又可以跟大廚搭訕,是頗有趣的經驗。



最後要介紹兩個充滿異族色彩的地方:北野異人館和元町。前著是異人 (洋人),後者是咱們漢人。

往北野異人館可以乘神戶獨有的City Loop或徒步,所謂異人館其實是指洋人在那處的故居,好像有分英國館、歐洲館什麼的,我只覺得那裏的建築物很有美加風格。此外,北野工房也是一個對我而言很特別的場所,一來它由校舍改建而成,教師走進校園,總有一種難以名狀的感覺;二來裏面有一間店子可以把自行繪製的圖畫製成T恤,或者香港都有這種店子,但......有些事情總是到了陌生的地方才會想試的,對否?



至於元町,其實就是中華街。我只記得在那裏吃過「小販檔」的芝麻団子,還有那裏富中國色彩的友誼商店 (竟然張貼了李小龍海報)。中國式店舖之外,也有類似大阪心齋橋的購物街。隨意的走走看看,累了,便挑一間喫茶店坐下來歇一歇,嚐一件甜點。




寫著寫著,《我要寫日本遊》系列也差不多來到尾聲,下一集的「京都」將會是倒數第二篇了。

[1]

神戶橫濱等的地勢其實跟以前的香港島很像,都是臨海而上,洋人喜歡在坡上築戶,背山面海很寫意。日本人都把這樣原原本本地保留下來,所以去旅遊時才倍感味道,不會在香港島上了半山仍看不了海,只見高樓的感嘆。

《我要寫日本遊》系列將近尾聲?沒可能!快快再仔細寫一下!

Mr RiceBall
[引用] | 作者 Mr RiceBall | 6th Jul 2010 | [舉報垃圾留言]

[2]

我只去過神戶一次。那天下雨,沒有什麼心機觀光。只去了舊居留地和神戶港。連神戶港的夜景也沒有看就回大阪了。又留下了很好的理由給自己再去一次啦。
神戶牛,沒有吃過呀。好像好美味呢!

金田一
[引用] | 作者 金田一 | 6th Jul 2010 | [舉報垃圾留言]

[3]

我都唔記得咗你要去搵T恤,不過我都有收獲,冇咩所謂啦﹗食唔到飯又真係掃興咗啲,不過唔緊要啦﹗後來果餐我記得我係食咖喱既都幾好味吖﹗

羊咩咩
[引用] | 作者 羊咩咩 | 7th Jul 2010 | [舉報垃圾留言]

[4] Re: Mr RiceBall
Mr RiceBall :
神戶橫濱等的地勢其實跟以前的香港島很像,都是臨海而上,洋人喜歡在坡上築戶,背山面海很寫意。日本人都把這樣原原本本地保留下來,所以去旅遊時才倍感味道,不會在香港島上了半山仍看不了海,只見高樓的感嘆。

《我要寫日本遊》系列將近尾聲?沒可能!快快再仔細寫一下!


哦~~ 原來係咁!難怪神戶、函館、橫浜、下田等等都有山の手之類嘅地方啦!d洋人都好識揀地方住喎!
飯糰さん嚟日本其實係讀咩/做咩架?點解識咁多嘢嘅?

係呀,尾聲喇!仲有京都2-3集,同埋一集東京bonus就完喇!雖然日本遊仲有嘢可以寫,不過想暫停一下。其實美加澳中星馬泰韓台都有好多遊記可以寫吓...

black lab
[引用] | 作者 black lab | 10th Jul 2010 | [舉報垃圾留言]

[5]
金田一 :
我只去過神戶一次。那天下雨,沒有什麼心機觀光。只去了舊居留地和神戶港。連神戶港的夜景也沒有看就回大阪了。又留下了很好的理由給自己再去一次啦。神戶牛,沒有吃過呀。好像好美味呢!

去過舊居留地同神戶港,都已經係神戶精華遊啦!
神戶牛好味,不過以你嘅角度睇可能有d貴喎。

black lab
[引用] | 作者 black lab | 10th Jul 2010 | [舉報垃圾留言]

[6] Re: 羊咩咩
羊咩咩 :
我都唔記得咗你要去搵T恤,不過我都有收獲,冇咩所謂啦﹗食唔到飯又真係掃興咗啲,不過唔緊要啦﹗後來果餐我記得我係食咖喱既都幾好味吖﹗

好彩你唔記得...

我記得你食乜嘢~~!咖哩烏冬丫嘛!而我就係食圖中(有Ishida字樣嗰張) 嘅鐵火丼+蕎麥麵定食,至於隻豬食乜就唔記得咯...

咁你又記唔記得,隻豬幫我哋食唔到嗰餐飯起咗個乜嘢"娘"名呀?^.^

仲有「神戶washington hotel 3間single rooms」事件、「有人爆發請食甜品」事件,同埋「champ-ion」事件呀......諗諗吓,不如開一個「2004豬牛羊遊記」回憶系列...

black lab
[引用] | 作者 black lab | 10th Jul 2010 | [舉報垃圾留言]

[7] Re: black lab
black lab :
羊咩咩 :我都唔記得咗你要去搵T恤,不過我都有收獲,冇咩所謂啦﹗食唔到飯又真係掃興咗啲,不過唔緊要啦﹗後來果餐我記得我係食咖喱既都幾好味吖﹗好彩你唔記得...

我記得你食乜嘢~~!咖哩烏冬丫嘛!而我就係食圖中(有Ishida字樣嗰張) 嘅鐵火丼+蕎麥麵定食,至於隻豬食乜就唔記得咯...
咁你又記唔記得,隻豬幫我哋食唔到嗰餐飯起咗個乜嘢"娘"名呀?^.^
仲有「神戶washington h...


又唔記得佢食乜,我估係滑蛋豬扒飯多,哈哈﹗

哎呀﹗我又真係唔記得果餐飯有咩名喎﹗講黎聽下。

神戶Hotel事件、「champ-ion」事件都記得,「有人爆發請食甜品」事件冇印象。

好喎﹗你快啲寫啦﹗你又記唔記得果陣我整咗本野,寫咗好多趣聞架﹗你可以問晒當事人肯唔肯,然後寫出嚟回味一下﹗

羊咩咩
[引用] | 作者 羊咩咩 | 10th Jul 2010 | [舉報垃圾留言]

[8] Re: 羊咩咩
羊咩咩 :
又唔記得佢食乜,我估係滑蛋豬扒飯多,哈哈﹗

哎呀﹗我又真係唔記得果餐飯有咩名喎﹗講黎聽下。

神戶Hotel事件、「champ-ion」事件都記得,「有人爆發請食甜品」事件冇印象。

好喎﹗你快啲寫啦﹗你又記唔記得果陣我整咗本野,寫咗好多趣聞架﹗你可以問晒當事人肯唔肯,然後寫出嚟回味一下﹗


睇怕都係滑蛋豬扒飯啦,嘩卡卡卡卡!
「海景餐」呀,真係超娘,唉...(你本趣聞集都好似有記載呢個名架)
我打錯字呀,應該係「暴發事件」。哩,同3間single rooms事件有關架,有人碌咭俾完房租之後哩...

black lab
[引用] | 作者 black lab | 12th Jul 2010 | [舉報垃圾留言]

[9] Re: black lab
black lab :
羊咩咩 :又唔記得佢食乜,我估係滑蛋豬扒飯多,哈哈﹗

哎呀﹗我又真係唔記得果餐飯有咩名喎﹗講黎聽下。
神戶Hotel事件、「champ-ion」事件都記得,「有人爆發請食甜品」事件冇印象。
好喎﹗你快啲寫啦﹗你又記唔記得果陣我整咗本野,寫咗好多趣聞架﹗你可以問晒當事人肯唔肯,然後寫出嚟回味一下﹗睇怕都係滑蛋豬扒飯啦,嘩卡卡卡卡!「海景餐」呀,真係超娘,唉...(你本趣聞集都好似有記載呢個...


你係唔係講有人好開心,因為住single room可以咩咩果件事呀﹖

羊咩咩
[引用] | 作者 羊咩咩 | 12th Jul 2010 | [舉報垃圾留言]

[10] Re: 羊咩咩
羊咩咩 :
你係唔係講有人好開心,因為住single room可以咩咩果件事呀﹖

no喇!
係有人忽然暴發,即刻話請大家食甜品呀!

black lab
[引用] | 作者 black lab | 15th Jul 2010 | [舉報垃圾留言]

[11] Re: black lab
black lab :
羊咩咩 :你係唔係講有人好開心,因為住single room可以咩咩果件事呀﹖no喇!係有人忽然暴發,即刻話請大家食甜品呀!

死啦﹗我完全冇印象喎﹗

羊咩咩
[引用] | 作者 羊咩咩 | 16th Jul 2010 | [舉報垃圾留言]

[12] Re: 羊咩咩
羊咩咩 :
死啦﹗我完全冇印象喎﹗

咁你得閒就要溫番吓書喇...(^^)

black lab
[引用] | 作者 black lab | 22nd Jul 2010 | [舉報垃圾留言]