水曜日　多雲

早上和寮阿叔一起出門口。推門一看，嘩，天陰得像快要下雨的樣子，但路面卻是乾爽的。唉，討厭這種天陰陰、晦暗暗的天氣。寮阿叔更說：「就係咁樣陰吓陰吓就冬天架喇。」いやだ！

的確最近聽到秋的腳步漸近。上兩個星期，已明顯察覺到日落時間由七月份的19:30，提早到19:00，這兩天更早於18:30便開始天黑。差不多每天這個時份外出買餸，所以對天色的幻變更是敏感。明明之前看見的是黃色，後來卻變成了藍色，今天騎單車去買餸時，竟已驟變了深藍色！

大抵日本人對天氣的變化都很留意，尤其是商人吧。你看，夏天的時候，推出了多少以草綠色、青色為包裝的食品飲品？這陣子，寮附近的兩家超市，都出現了紅葉！OMG，駛唔駛咁早呀？才九月初而已。(雖然我四、五月嗰陣都喺寮附近見過紅葉......)

我個banner仲做緊「夏休みの思い出」呀！



:: 有事冇事都貼塊紅葉上去先...

現在五時就入黑了 但紅葉也的確是早了點

很想念日本分明的四季。

似乎紅葉既商品好快佈滿整個日本。

噢，仲係9用初，香港十月啦

「就係咁樣陰吓陰吓就冬天架喇。」 日文點講？ 唔止十月，就快十一月添啦。

日本的四季分明，真好 香港的春秋愈來愈短，再過幾年可能只有夏冬了

Mr RiceBall : 現在五時就入黑了 但紅葉也的確是早了點 咪就係！咁快就出紅葉，再凍啲出乜嘢？ 唔通出黑葉咩...

hongkongjin : 很想念日本分明的四季。 可惜就係有點兒分明得滯喇。 可唔可以冬天暖番少少， 夏天又涼番少少呢...

or : 噢，仲係9用初，香港十月啦 係呀，有時差吖嘛... :p

HS : 「就係咁樣陰吓陰吓就冬天架喇。」日文點講？ 唔止十月，就快十一月添啦。 你而家即係考我？「そのように暗くなるうちに、冬になってきた。」啩？

希樹 : 日本的四季分明，真好香港的春秋愈來愈短，再過幾年可能只有夏冬了 有人由haPPy變成希樹咯， 香港四季變成兩季，又有乜稀奇呢？哈哈！

羊咩咩 : 似乎紅葉既商品好快佈滿整個日本。 咁你去東北嗰陣有冇見到？ 嗰度應該仲多紅葉商品喎我估。

仲要十一月至覆，非一般時差 black lab : or : 噢，仲係9用初，香港十月啦 係呀，有時差吖嘛... :p