火曜日　晴

－放完暑假，「一切」回復正常，周圍都冇乜點變，電車一樣都係咁多人，我一樣都係08:10返到學校，一樣都係第一名......

－今日見面嘅三個先生都有問我做乜搞到咁黑、暑假去過邊......冇辦法，我個位實在太容易approach。

－我上堂成日同先生有 eye contact，估計近藤先生都忍咗兩堂唔開口問。臨走前我問佢：「乜冇功課咩？」就俾佢順勢打開話匣子。哎呀，原來近藤先生 除咗有近藤真彥呢個親戚之外，仲 有朋友喺イシガキ住，佢仲話有時都會去のんびり喎......唔知我有冇聽錯？

－松本先生就話我係オキナワじん.....我都想呀！

－大矢根先生原本預咗HR嗰堂係講番「夏休みのこと」，但係又クイズ又派呢樣嗰樣，最後淨番６分鐘......都指定要我講，好brief都要喎。哈，好彩我早有準備寫定稿，不過就我冇睇住，就咁臨場發揮。

－點解唔睇稿？因為俾先生發現咗我拎張稿出嚟。先生同我講：「既然寫咗不如俾大家傳閱？」我估全場只得我一個咁煞有介事，費事咁揚，支吾以對話冇寫定。

－好多同學都有去旅行或者歸國，個個喺度喺度派手信，派到俾我時我就同佢哋以コクトウキャンディ交換。

－個個同學都話我好黑？乜真係好黑咩......

－但係我手臂仲甩緊皮，「拜拜肉」嗰個位 (雖然我冇)......仲係俾ケンジさん發現先！

－Lunch去咗探其中一個老朋友富士そば，因為好想食多一次冷やし肉富士。嘿，今次得一隻半熟玉子。唔通上次打多咗一隻、焗送俾我？

－今日交晒４大份功課，クイズ １５／１７，上堂又完全跟得上。另外又發現自己啲日文会話冇退步到，所以埋單嚟講今日係一個好開心好滿足嘅開學日。

－估計未來幾日仲會有先生問我去過邊／點解咁黑，今日答得唔係咁流暢&豐富，唔，今晚再準備一下，聽日要答得好啲。雖然講得唔係咁好，但係好enjoy同先生傾偈嘅片刻。可以再講番咁多日文真係好。

儘管現在的九月一日與我無關，但我仍是不喜歡這一天 每餐富士そば，跟你在香港令餐大家學一樣，這回只有1.5只熟玉子嗎？

有幾黑呀？!

係啲同學同先生覺得我黑啫，我自己就覺得普通黑。

有幾黑呢？ 有圖有真相！

同學去完旅行會派手信，咁得意既。 post張相黎睇下黑咗幾多﹖

我今年無黑過：（

Mr RiceBall : 儘管現在的九月一日與我無關，但我仍是不喜歡這一天 每餐富士そば，跟你在香港令餐大家學一樣，這回只有1.5只熟玉子嗎？ 咁都可以理解嘅，畢竟每個香港學生都至少經歷過十幾二十個唔多情願起身嘅9月1號。 1.5隻熟玉子!?係呀！ 仲係連住，好似連體嬰咁。

金田一 : 有幾黑呀？! 係啲同學同先生覺得我黑啫，我自己就覺得普通黑。

HS : 有幾黑呢？ 有圖有真相！ 好呀！遲啲貼兩張出嚟丫。

羊咩咩 : 同學去完旅行會派手信，咁得意既。 post張相黎睇下黑咗幾多﹖ 有幾得意呀？去完旅行派手信之嘛，你同我都會做啦。得意在邊度呢？ 好呀，遲啲post出嚟丫。

black lab : 羊咩咩 :同學去完旅行會派手信，咁得意既。post張相黎睇下黑咗幾多﹖有幾得意呀？去完旅行派手信之嘛，你同我都會做啦。得意在邊度呢？好呀，遲啲post出嚟丫。 同學唔係好熟都派手信呀﹖你同我係「朋友」唔同架﹗

羊咩咩 : 同學唔係好熟都派手信呀﹖你同我係「朋友」唔同架﹗ 咁你去完旅行呀，都會派手信俾你「唔係好熟」嘅同事啩？ 話唔熟其實又唔係，可能大家都係留學生，即使平時冇乜兩句，都會有一種莫名嘅親切感。