美好嘅一天，由美好嘅早餐開始。
上晝溫咗書、作咗一篇「私の好きなもの」 (宿題です)，下晝出街玩。本來想去食コウトン麺，入到去舖頭聞到啲麵／湯好香，可惜満席，雖然我唔介意等一陣，不過有把聲音話：「不如今日提早同よってこやfarewell先？」係喎，你知日本人啦，到星期一真正last day可能好多人噃。
最後のラーメンです。不過一雞死一雞鳴，我相信同一個舖下一水都係開食肆。
:: ラーメン，盛惠￥500
食完飯打算去新宿行吓，所以順便提早買埋定期券。無端端做多咗1.5個月嘅「5才」(=5歲)，而家終於要變番實際年齡喇！
去到新宿，行Tokyu Hands。上次只係行咗一陣，今次再試吓睇深入啲。嘩！有好多重大發現！
一向都知Tokyu Hands多嘢賣，但係唔睇過都唔知原來真係多得咁誇張。見到好多做壁報或者大時大節裝飾用品，如果而家我仲教緊書，一定會入好多貨。之後仲有party用品、玩具、家居用品、走難用品、沙煲lanng罉、文具、精品......
行完一大輪，好彩我都仲記得今次去Tokyu Hands嘅重大任務，就係要買シミ抜き (stain remover)。雖然買唔番舊嗰支，但係都買到代替品。仲見到一啲令我目不暇給嘅嘢。
:: 好得意 x 10！
我要記住：如果第時教日文，一定要買呢幾粒骰嚟做教具，好正好正！
:: 連牛角都有得賣
行到攰攰地，去新宿駅東口對面嘅COMME CA食tea。啲fruit tart好多款好吸引，都唔知揀邊件好......
:: 靚係靚，不過一件tart連一杯嘢飲要￥1400+，有啲貴。
夜晚去六本木睇戲──係我第一次喺日本睇戲呀！
呢間TOHO Cinemas其實同香港啲戲院裝修差唔多，亦都可以好似香港咁上網訂飛。我張學生証又發揮作用，呢張飛只需￥1500，平咗￥300。
:: ホットドッグ＋ポップコーン＋ドリンク セット、およそ￥７００。
慶祝完夏休最後一個土曜日，好滿足咁返屋企。呀，唔記得講，我今晚係睇《約束の犬》(Hachi)。
