香港新浪網 MySinaBlog
« 上一篇 | 下一篇 »
black lab | 7th Jul 2009 | 09 生日特輯 | (149 Reads)
除了阿Pooh食品外,在我家儲得最多的,應該是阿Pooh的文儀用品了。

←放大我啦!

文具和食品有個共通點,就是「實用」,這亦是一個自欺欺人、讓自己不忍手的藉口,嘿!

不過,這個壞習慣近年已改善了不少,至少,在購買之前會再三四五考慮是否真的有用才買。以前?通常第一個念頭是考慮買哪個款式......(第二才想到價錢)

無他,皆因家裏實在太多雜物了,堆放在一旁,若干日子後根本不記得自己買過。你說閒時可拿出來欣賞嗎?對,但,有幾可有這種閒情?每每要在搜尋某東西時,才會意外地發現一些以前買下來的物品,原來根本原封不動未啟用過。存放得較好的,外觀尚算簇新,最多是2009年看見物品上的圖案印著2000年吧;有些物品比較外露,就會出現變黃舖塵的現象,直教人見者流淚、聞者心酸......

還有一件事令我加速養成忍手的習慣,就是臨來日本前幾個月開始的「執屋大行動」。要收拾這麼多物品,決定該丟還是該留,留的要放在哪,簡直費煞思量。到開始執行李時,更加體會到「萬般帶不走」的道理。

現在我看見一些很吸引的文具時,便會想:這件東西我回香港時會帶走它嗎?又或者到我與世長辭的時候可以帶著它嗎?

介紹一下今次展出的文具吧。由12點順時針數起:
● 橡皮 (已送了給駅後ろ學生)、
● 公仔印 (以前教書日日都用得著,不過要用印台,比較麻煩,但又可以印不用顏色) 和鉛筆、
● 相簿 (粉藍色那一大本,連紙套的)、便條、記事簿、阿Pooh小說 (用日文寫的)。相中右下角的拍子簿被我荒廢了許多年,估不到帶來日本後成了我的課堂筆記簿,由0用途變得極之有用。日文小說也是我的「自習教材」之一。
● 塗改液、塗改帶、鉛芯筆芯、USB (黃色那條)、post-it (多年前購自Disney Sea)、膠水、年曆 (相中左上)、CD album 等。
● 量角器 (購自10蚊店,一套三件)

各位看見我尚有這麼多存貨,就更加不用考慮送些什麼阿Pooh文具給我了。


(待續)

[1]

我想迪士尼阿POON專門店也沒有那麼多存貨,其實我建議你好好地把它們珍藏好,不要送給別人

有機會還可以做一個列表交給迪士尼,也許他們會很賞識而邀你為阿POON的代言人

Mr RiceBall
[引用] | 作者 Mr RiceBall | 25th Jul 2009 | [舉報垃圾留言]

[2]

你買咗啲文具唔用?
阿Pooh好可愛好乖呢。你係咪都係?
哈...我就鍾意加菲。

金田一
[引用] | 作者 金田一 | 25th Jul 2009 | [舉報垃圾留言]

[3]

我個客比左Pooh套茶壼連杯我影,而家一路擺係度,睇嚟你應該啱喎!

or
[引用] | 作者 or | 25th Jul 2009 | [舉報垃圾留言]

[4] Re: Mr RiceBall
Mr RiceBall : 我想迪士尼阿POON專門店也沒有那麼多存貨,其實我建議你好好地把它們珍藏好,不要送給別人有機會還可以做一個列表交給迪士尼,也許他們會很賞識而邀你為阿POON的代言人

這個提意也不錯
澳門有間餐廳的老闆很喜歡收集可口可樂的精品
後來屋裡不夠地方放,就攞去餐廳做display
不知怎樣給可口可樂的職員發現了
就送了一塊可口可樂的牌扁給他

你也可以諗諗喎

HaPPy
[引用] | 作者 HaPPy | 15th Aug 2009 | [舉報垃圾留言]

[5]
Mr RiceBall :
我想迪士尼阿POON專門店也沒有那麼多存貨,其實我建議你好好地把它們珍藏好,不要送給別人
有機會還可以做一個列表交給迪士尼,也許他們會很賞識而邀你為阿POON的代言人


我估都係,因為迪迪尼太「專門」,而我喺港九新界世界各地搜羅,存貨應該比較多元化。
如果唔送俾人,全部珍藏的話,咁不如你建議個地方俾我?(當然係要無料啦)
做阿POOH代言人,都唔及做佢お父さん咁開心。^.^

black lab
[引用] | 作者 black lab | 8th Sep 2009 | [舉報垃圾留言]

[6] Re: 金田一
金田一 :
你買咗啲文具唔用?阿Pooh好可愛好乖呢。你係咪都係?哈...我就鍾意加菲。

啲文具靚嘛,唔捨得用,有啲就係未開始用。
「阿Pooh好可愛好乖呢。你係咪都係?」
↑我係咪都係阿Pooh?
抑或係咪都係好可愛?
定係咪都係好乖?

black lab
[引用] | 作者 black lab | 9th Sep 2009 | [舉報垃圾留言]

[7] Re: black lab
black lab :
金田一 :你買咗啲文具唔用?阿Pooh好可愛好乖呢。你係咪都係?哈...我就鍾意加菲。啲文具靚嘛,唔捨得用,有啲就係未開始用。「阿Pooh好可愛好乖呢。你係咪都係?」↑我係咪都係阿Pooh?抑或係咪都係好可愛?定係咪都係好乖?


問你係咪好似阿pooh咁乖呀!!

金田一
[引用] | 作者 金田一 | 9th Sep 2009 | [舉報垃圾留言]

[8]
金田一 :
問你係咪好似阿pooh咁乖呀!!

「乖」嘅定義人人唔同,而且,邊有人自己讚自己乖架?
不如你從我寫嘅文章之中,判斷吓我乖唔乖仲好啦。

black lab
[引用] | 作者 black lab | 9th Sep 2009 | [舉報垃圾留言]

[9] Re: or
or :
我個客比左Pooh套茶壼連杯我影,而家一路擺係度,睇嚟你應該啱喎!

茶壺連杯咁精緻?多謝你先。不過我已經有杯喇!而我習慣每一樣物品都用到totally lost先至會丟,所以...你留番俾下一位有緣人啦!
多謝你嘅好意。

black lab
[引用] | 作者 black lab | 9th Sep 2009 | [舉報垃圾留言]

[10] Re: HaPPy
HaPPy :
這個提議也不錯澳門有間餐廳的老闆很喜歡收集可口可樂的精品後來屋裡不夠地方放,就攞去餐廳做display
不知怎的給可口可樂的職員發現了就送了一塊可口可樂的牌匾給他
你也可以諗諗喎

呢個提議真係幾好。不過我冇餐廳或任何店舖喎...
但係 "阿Pooh牌匾" 應該都幾吸引。

black lab
[引用] | 作者 black lab | 9th Sep 2009 | [舉報垃圾留言]