香港新浪網 MySinaBlog
« 上一篇 | 下一篇 »
black lab | 3rd Mar 2009 | 阿sir教室 | (279 Reads)
最近發覺自己很「宅男」,懷疑有自閉症傾向,於是翻查有關的資料,發現自閉症有以下的表現:

1. 不願再接觸社會新事物;
少少啦,有時啲社會事物變化得快到令人跟唔上呀......

2. 不願意參加社交活動;
咁又冇喎,我都不知幾主動約朋友出嚟。

3. 對一些必須參加的應酬活動敷衍了事;
N/A,因為呢句本身都唔合邏輯,「應酬活動」唔係應該要「敷衍了事」架咩?唔通好熱切咁樣去應酬?

4. 不願意向他人敞開心扉,同時也不願意接受、接納他人的心聲;
我好樂意同朋友互相分享喎!但有時比較難接納朋友嘅諗法同做法就真嘅。

5. 工作中墨守成規,不能與時並進、學習更新;
最唔接受教改......

6. 對周圍的一切人、事採悲觀、消極的態度;
咁呢個又完全冇噃,好多朋友都覺得我好樂觀,諗嘢正面。

7. 缺乏兼容並蓄的精神,沒有包容性;
同「4」差唔多啦,唔係好識包容人哋。

8. 工作中不能與人配合,壓制、打擊、刁難同事;
哈哈!完全冇。

9. 家庭生活中缺少活力、怨言多,傾向於挑剔親人;
呢個似係黃生多啲......

10. 會出現一些莫名其妙的身體不適,到醫院反覆檢查又查不出毛病;
我不知幾健康。

11. 更加關注自己,自己成為中心,很少關注外面更廣闊的世界;
弊!最後一句好中添!

12. 雖然事業有所成就或是不缺少財富和美滿的家庭,卻突然發現找不到生活的目標,發覺過去多年的奮鬥是那麼缺乏意義,對自己生命真正的價值感到困惑;
應該唔係啦!好有目標呀,尤其是最近呢半年。

13. 彷彿人生的終點已經來到,再沒有奮鬥的動力和激情。
大吉利是!梗係唔係啦!


資料中提到,如果上面症狀中有4項符合已屬輕度自閉症,多於8項便要見心理醫生。嗚嗚!原來我輕度自閉呀......

如果照資料所說,我會「固執堅持一些生活細節」(例如不停地搖手、獨自不停地轉圈、喜歡拍牆......),又會「反應特異」(例如常會莫名其妙地大哭、大笑、大叫、呆坐......) 等等。我暫時未有這些症狀,希望他日都不會有。

[1]

自我中心唔同自閉架喎,你一點都唔似自閉。emotion

通常自我中心的人都較有機會成為偉人的,放心!唔係問題來的。emotion

秋。
[引用] | 作者 秋。 | 12th Mar 2009 | [舉報垃圾留言]

[2]

識寫呢篇就已經唔自閉啦,我自閉你都未自閉

or
[引用] | 作者 or | 13th Mar 2009 | [舉報垃圾留言]

[3] Re: 秋。
秋。 :
自我中心唔同自閉架喎,你一點都唔似自閉。
通常自我中心的人都較有機會成為偉人的,放心!唔係問題來的。

自我中心!? 好似仲嚴重過自閉症喎...
我唔要做偉人呀,做個普通人、健康快樂就夠。

black lab
[引用] | 作者 black lab | 17th Mar 2009 | [舉報垃圾留言]

[4] Re: or
or :
識寫呢篇就已經唔自閉啦,我自閉你都未自閉
你更加唔會自閉啦,仲識去南Y島...

black lab
[引用] | 作者 black lab | 17th Mar 2009 | [舉報垃圾留言]

[5] Re: black lab
black lab :
秋。 :自我中心唔同自閉架喎,你一點都唔似自閉。通常自我中心的人都較有機會成為偉人的,放心!唔係問題來的。自我中心!? 好似仲嚴重過自閉症喎...我唔要做偉人呀,做個普通人、健康快樂就夠。

嗯,講得好呀!知足常樂!:D

秋。
[引用] | 作者 秋。 | 18th Mar 2009 | [舉報垃圾留言]